Shkatërruan orët në vlerë prej 590 milionë dollarësh

Nëse orët e tyre do të ishin në dispozicion, të lira dhe pa një reputacion të shkëlqyeshëm, me siguri do të prishnin vlerën dhe ekskluzivitetin e tyre

Keystone

Kompania zvicerane “Richemont”, e cila qëndron pas markave ‘Cartier’ dhe ‘Montblanc’, kohët e fundit bleu dhe shkatërroi orë luksoze me vlerë rreth 590 milionë dollarë.

Arsyeja për këtë? Janë pazaret, në të cilat orët vlerësohen shumë ulët.

Kjo kompani filloi një praktikë interesante, kur ata së pari besonin se po ngadalësohet tregu i Azisë dhe i bartnin produktet e tyre në tregun e zi, të cilat mund të shiten nga rishitës të paautorizuar me çmime tepër të ulëta, përcjell albinfo.ch.

Nëse orët e tyre do të ishin në dispozicion, të lira dhe pa një reputacion të shkëlqyeshëm, me siguri do të prishnin vlerën dhe ekskluzivitetin e tyre. Këtë herë, kompania e njohur bleu të gjitha modelet nga tregu evropian, përfshirë markat ‘Piacet’, ‘IVC’, ‘Vacheron Constantine’.

Orët që blihen do të ndahen dhe do të riciklohen. Kjo praktikë sigurisht që nuk është ideale nga ana e konsumatorit dhe disi e turpshme që po bëjnë këto kompani, por nga ana tjetër, ato po luftojnë për të ruajtur reputacionin e markave dhe nivelin e çmimeve.

Pyetja më e rëndësishme tani është e ardhmja e industrisë së orëve të luksit, duke pasur parasysh rënien e ngadaltë.