Marku i jashtëzakonshëm, nokauton Dragishiq për 100 sekonda

Florian Marku merr kështu edhe fitoren e gjashtë, në po kaq ndeshje në MMA, ndërsa të gjitha i ka fituar me nokaut

Vetëm 101 sekonda saktësisht i kanë mjaftuar Florian Markut për të triumfuar ndaj serbit Sladan Dragishiq.

Ndeshja e MMA-së u zhvillua në palestrën “Asllan Rusi” në Tiranë, në një atmosferë të jashtëzakonshme, shkruan albinfo.ch.

Marku hyri me plis në kokë, derisa arriti të dominojë sfidën, teksa e hodhi poshtë kundërshtarin, falë një gjuajtjeje poshtë brinjës, me këmbën e tij të majtë.

Kjo bëri që serbi Dragishiq të dorëzohej, duke mos mbajtur dot premtimin e tij se do të luftojë si burrat me Markun, në ring.

Florian Marku merr kështu edhe fitoren e gjashtë, në po kaq ndeshje në MMA, ndërsa të gjitha i ka fituar me nokaut.

“Me sportistë si ky, ndeshem me 3 njëherësh. Edhe 2-3 ndeshje në MMA dhe pastaj do të më shikoni në UFC, ku do të tentoj të çoj sa më lart këtë flamur të bukur. Ju faleminderit”, deklaroi Florian Marku pas sfidës.