“Në mes të ditës”

Film dokumentare për Salihen, një nënë shqiptare e cila ka vrarë burrin e të bijës

Filmi i autorit zviceran Alain Godet bën fjalë për Salihen një grua shqiptare, e cila ka vrarë në mes të rrugës dhe ditën për diell dhëndrrin e saj, burrin e të bijës. Në këtë mënyrë ajo po e dënonte atë për izolimin dhe keqtrajtimet çnjerëzore që ai i bënte bashkëshortes, gjegjësisht të bijës së Salihes, Teutës atëbotë 17 vjeçare.

Në film trajtohet dëbimi i Salihes në Kosovë, pas vuajtjes së dënimit 4 vjeçar. Policia për të huaj e Zvicrës e kiishte dëbuar atë pa pasur vendim nga gjyqi.

Filmi vë në fokus përpjekjet e Salihes për t`iu bashkuar familjes në Zvicër. Për këtë ajo gëzonte edhe mbështetjen e një rrethi më të gjerë zviceranësh.