Diplomon, 74 vjet pasi ka ndërprerë studimet

Se vërtetë "kurrë s`është vonë", tregon shembulli i të porsadiplomuarit 96 vjeçar nga Franca, Sylvio Ferrera

Para 74 vitesh kishte ndërprerë studimet për shkak të një sëmundjeje dhe tash, kur ka mbushur 96 vjet,  ka gjetur rastin t`i përfundojë ato.

Sylvio Ferrera nga qyteti francez Toulouse i kishte filluar studimet për inxhinieri në vitin e largët 1935, kur ishte 19 vjeç. Pas tri vitesh, atij i ishte dashur të ndërpriste fakultetin për shkak se u sëmur nga malarja. Më vonë ishte lufta (e dytë botërore) që e pengoi t`i përfundonte studimet.

“Tash, më në fund do të mund të filloj nga puna”, është shprehur Ferrera në shaka gjatë solemnitetit të ndarjes së diplomës, në Universitetin e Toulouse-s.

Por e vërteta është që ai, gjatë gjithë këtyre viteve nga ndërprerja e studimeve kishte punuar në vende të ndryshme si në SHBA, Siri, Tajvan etj.