“LIDL” i zbret çmimet për 20 për qind pas kualifikimit të Zvicrës

Zinxhiri i marketeve "Lidl" ka festuar kualifikimin e Zvicrës në të tetën e finales me promovim të zbritjes së çmimeve. Megjithatë, nga kjo kanë përfituar vetëm pak persona

scrennshot

“Lidl” nga Zvicra ka dalë me një fushatë zbritje për kualifikimin e Kombëtares zvicerane për të tetën e finales: Ai i cili shkon në “Lidl” për të tregtuar me një artikull tifozerie zvicerane, përfiton 20 për qind më pak nga çmimi i zakonshëm. Me këtë rast, përjashtohen pijet alkoolike, duhani dhe qeset e mbeturinave.

Por, shumë pak dinë për këtë përfitim. Të anketuarit e një sondazhi nuk kanë pasur dijeni të tillë. Për “Lidl” mbetet e pashpjegueshme: “Promovimi i zbritjes u reklamua në të gjitha llojet e kanaleve të reklamimit. Në faqen e internetit, madje edhe në reklama televizive”, ka pohuar zëdhënësi Matthias Kaufmann për “20 Minuten”, përcjell Albinfo.ch.

Sipas Kaufmannit, mjafton të tregohet vetëm një artikull me kryqin zviceran (kartë identiteti, patentë shoferi apo thikë xhepi) në mënyrë që të përfitojnë nga zbritja e çmimeve”.

Joëli (25) nga Gjeneva, për zbritjen kishte mësuar vetëm pasi kishte tregtuar në “Lidl” . Dhe e gjitha kjo, edhe pse ai e përshkruan veten si tifoz i çmendur. “Nuk më kalon pothuajse asnjë ndeshje në Premier Ligë dhe sigurisht asnjë nga Kupa e Botës”. Ai ka qenë në dijeni vetëm se një ofrues i ushqimit të shpejtë, kishte ofruar hamburgerë në ditën e ndeshjes, për një frang.

Claudia (37), e cila sot gjithashtu rastësisht ndodhi në “Lidl”, nuk ka ditur asgjë për zbritjen. “Por, unë mendoj se është një gjë e mrekullueshme. Edhe pse nuk më intereson futbolli, dje kam qenë tifoze e Përfaqësueses zvicerane”. Gashit (56), i kishte rënë në sy zbritja në një filial. “Jam shumë i lumtur për zbritjen. E shfrytëzova rastin dhe kam blerë mish më tepër se ç’kisha planifikuar”.