Merkel arrin marrëveshje me 14 vende për azilkërkuesit

Kancelarja gjermane Angela MErkel ka arritur marrëveshje me 14 vende të BE-së për të pranuar azilkërkues.

14 anëtar të Bashkimit Europian kanë mbështetur kancelaren gjermane Angela Merkel për azilkërkuesit, shkruan Albinfo.ch.

Marrëveshjet janë bërë publike nga mediat gjermane.

Në dokumente Merkel ka shkruar se azilkërkuesit që kanë arritur në Gjermani, pasi paraprakisht janë regjistruar në shtetet e tjera të BE-së, duhet të vendosen në qendra të posaçme brenda BE-së, ku do të procesohen kërkesat për azil.

Ministri i Brendshëm gjerman, Horst Seehofer, i ka dhënë afat Merkel që të ndal valën e migrantëve në vend, duke theksuar ballafaqimin me rrëzimin e mundshëm të koalicionit qeverisës.

Shtetet e BE-së sipas dokumentit kanë shfaqur vullnetin për të pranuar migrantë përfshirë edhe vendet, Çeki, Hungari dhe Poloni.

Shtetet tjera që kanë arritur marrëveshje me Merkel janë Belgjika, Danimarka, Estonia, Finlanda, Franca, Lituania, Letonia, Luksemburgu, Holanda, Portugalia dhe Suedia.