Një në pesë zviceranë, ka nënshtetësi të dyfishtë

Numri i tyre po rritet nga viti në vit

Keystone

Që nga viti 2010, numri i shtetasve zviceranë që kanë pasaportë të një vendi tjetër është rritur me 40%.

Sipas gazetës “NZZ am Sonntag”, gjithsej 916,000 shtetas zviceranë që banojnë në vend, kanë shtetësi të dyfishtë, shkruan “Swissinfo.ch”.

Përveç kësaj, 560,000 zviceranë jashtë vendit kanë një pasaportë tjetër. Duke i kombinuar ata që jetojnë jashtë dhe brenda, vlerësohet se më shumë se një në pesë zvicerane ka nënshtetësi të dyfishtë, përcjell albinfo.ch.

Artikulli, që u botua të dielën, citon rritjen e migracionit si arsye kryesore. Gjithashtu kanë ndikuar edhe martesat me kombësi të dyfishtë. Më shumë se 40,000 njerëz janë të natyralizuar çdo vit.

Sa i përket kombësisë së dytë, Italia është në vendin e parë, duke u ndjekur nga Franca, Gjermania dhe Turqia.