Bota
CSU në qorrsokak, jep dorëheqje si shef dhe ministër Seehofer
“Shefi i CSU kërkon të dorëhiqet por ka paralajmëruar se ai kërkon edhe një bisedë të fundit me CDU. Gjithçka e qartë? Jo: Kontesti mes kancelares Merkel dhe ministrit të saj të brendshëm bëhet gjithmonë e më absurd,” shkruan Der Spiegel.
Dorëheqja e mbrëmshme e Horst Seehofer ka habitur të gjithë gjermanët dhe mendohet për një krizë që mund ta kaplojë qeverinë gjermane. Seehofer është udhëheqësi i partisë bavareze CSU e njohur për kundërshtimet me partinë e saj simotër CDU të kancelares Angela Merkel sa u takon politikës së refugjatëve, shkruan albinfo.ch.
Kjo tregon se samiti i BE nuk e shpëtoi kancelaren gjermane Angela Merkel, ashtu siç u mendua në fillim. Rezultati i tij është pritur me kritika nga partneri i saj i koalicionit, njëkohësisht ministër i brendshëm, Horst Seehofer, që tani thotë se do të japë dorëheqjen.
Në një mbledhje të zhvilluar në Mynih, mes Kryesisë së CSU-së dhe grupit parlamentar të landit të Bavarisë, Seehofer e hodhi poshtё edhe propozimin e parashtruar nga Merkeli, sipas tё cilit refugjatёt e regjistruar nё vendet e tjera tё BE-sё tё strehohen nё tё ashtuquajturat qendra ankorimi nё Gjermani. Me kёtё, kreu i CSU-sё i ёshtё kundёrvёnё drejtpërdrejt kryetares së ekzekutivit. Nëse Seehofer largohet, partia e tij duhet të propozojë një kandidat të ri nga radhët e saj për këtë post.
Por, nëse simotra e CDU-së nuk e bën këtë dhe nuk pranon të qëndrojë më në koalicionin qeverisës me Merkelin dhe SPD-në, atëherë shumica qeveritare në Bundestag humbet, duke e lënë Merkelin përballë tri mundësish: një qeveri pakice, krijimin e një koalicioni të ri me gjasë me Të Gjelbërit, apo zgjedhjet e parakohshme që do mbahen brenda 60 ditësh.
Sipas të dhënave të CSU, Angela Merkel duhet të ketë refuzuar marrëveshjen e arritur rreth emigrantëve të paligjshëm, ndërsa shumë media gjermane si “Der Spiegel” dorëheqjen e ministrit të brendshëm Seehofer e paraqesin si “farsë”.
“Shefi i CSU kërkon të dorëhiqet por ka paralajmëruar se ai kërkon edhe një bisedë të fundit me CDU. Gjithçka e qartë? Jo: Kontesti mes kancelares Merkel dhe ministrit të saj të brendshëm bëhet gjithmonë e më absurd,” shkruan Der Spiegel.
Të ngjashme
Të tjera nga Bota
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut