Vazhdon greva e administratës së gjyqësorit

Punëtorët e administratës në Gjykata e Prokurori janë duke e vazhduar grevën. Si rezultat, qindra seanca gjyqësore kanë dështuar nëpër gjykata të vendit.

Ndërsa në Gjykatën Themelore të Prishtinës, këshilli grevist, pas një takimi me kryetaren e Gjykatës, janë pajtuar që të mundësojnë mbajtjen e seancave për raste që janë të shënjestruara për liberalizimin e vizave, përcjell albinfo.ch.

Si rezultat i kësaj, është mundësuar mbajtja e seancës në rastin e njohur si “Stenta” ku i akuzuar është ish-ministri i Shëndetësisë, Ferid Agani. Kërkesat e punëtorëve janë rritja e pagave për 100 % si dhe rregullimi i statusit të punëtorëve të administratës në gjykata e prokurori.