Kosova
Kosovë: Shoqata e Prokurorëve reagon pas deklaratës së ministrit Murati
Shoqata e Prokurorëve të Kosovës ka reaguar pas deklaratës së ministrit të Financave, Hekuran Muratit, i cili ka akuzuar institucionet e drejtësisë se nuk kanë bërë asnjë veprim për kallëzimin penal që Qeveria ka dërguar për ish-ministrin Vesel Krasniqi gati dy vjet më parë lidhur me kontratën për shtrenjtimin e naftës, teksa i quajti institucionet e drejtësisë “si mbrojtëse të kastës së vjetër kriminale”, e që “s’kanë mision luftimin e krimit”.
“Sot (19.8.2023) në mesditë në rrjetin e tij social (i publikuar në portale) ministri Hekuran Murati ka bërë një postim, duke përdorur gjuhë linçuese dhe shpifëse ndaj institucionit të Prokurorit të Shtetit dhe në veçanti ndaj Prokurorit të Shtetit, Milot Krasniqi, duke e cilësuar se gjoja prokurori i rastit nuk ka bërë asnjë hap lidhur me rastin që ministri Murati e përmend në postimin e tij. Në këtë mënyrë i njëjti jo vetëm që shpif, por njëkohësisht e vë në rrezik serioz hetimin në fazën në të cilën është, duke e marrë parasysh se epilogu i hetimeve merr kohë në grumbullimin, analizimin dhe vlerësimin e provave dhe fakteve, me qëllim të përfundimit me sukses të secilit rast”, thuhet në reagim.
Nga shoqata e kanë dënuar këtë gjuhë të Muratit dhe është thënë se secili prokuror në Kosovë e “kryen punën e tij me nder, integritet dhe fisnikëri duke zhvilluar hetime të drejta të paanshme dhe në mënyre profesionale”.
“Shoqata e Prokurorëve vlerëson se mbrojtja e pavarësisë dhe e autoritetit të prokurorëve është thelbësore dhe tejet e rëndësishme, andaj gjuha e tillë e përdorur është e patolerueshme dhe në kundërshtim me rregullat në një shoqëri moderne dhe demokratike. Ne si Shoqatë e Prokurorëve të Republikës së Kosovës jemi thellësisht të shqetësuar dhe njëherësh për të satën herë u bëjmë thirrje të gjithë aktorëve me peshë në jetën politike, ekonomike, sociale të përmbahen nga përdorimi i gjuhës ofenduese, nënçmuese, denigruese dhe shpifëse ndaj secilit prokuror”, thuhet tutje në reagim.
Të ngjashme
Të tjera nga Kosova
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Qeveria zvicerane synon ekuilibër më të mirë gjinor në administratën federale Qeveria njoftoi të mërkurën objektiva të reja të balancës gjinore për periudhën 2024-2027, veçanërisht për gratë...
-
Fillon Programi kundër ngacmimit në Gjenevë
-
Sondazhi: Aeroplani, mënyra më popullore për të shkuar me pushime për zviceranët
-
Zyra e Raportimit të Pastrimit të Parave në Zvicër regjistron një numër rekord raportimesh
-
Linja ajrore SWISS rifillon fluturimet e saj drejt Iranit