Ka qëlluar ish gruan para syve të nxënësve

Kujtim N. 26 vjeç, mund të dënohet me më së paku 5 vjet burg për një tentim vrasjeje që e ka kryer më 10 maj të këtij viti

Më 9 maj të këtij viti, Kujtim N. kishte shtënë me revole mbi ish- bashkëshorten e tij para ndërteses së shkollës në Bad Zwischenahn. Ai kishte shkrepur tre plumba mbi të, duke i shkaktuar plagë të rrezikshme për jetë.

Fakti se krimi është kryer para syve te nxënësve, është edhe një rrethanë rënduese më tepër. Kujtimi akuzohet edhe për grabitje të rëndë dhe shantazh. Vepra e fundit ka ndodhur kur, pas ikjes, kishte shkaktuar një aksident me veturë. Pastaj, nën kërcënimin e revoles, ia kishte marrë verurën nje gruaje, kalimtare rasti.

Gjykimi i Kujtimit do të fillojë këte të enjte në Gjykatën e Landit në Oldenburg.

Arratisja që kishte zgjatur tri javë, kishte përfunduar pasi që i dyshuari ishte kapur nga policia në Dorsten, më 29 maj.

Si motiv për tentimin e vrasjes, prokuroria përmend konfliktin që dorasi kishte me ish bashkëshorten lidhur me të drejtën e perkujdesjes për fëmijën e përbashkët. Më saktë, ai akuzohet se këtë veprim e ka kryer në shenjë hakmarrjeje ndaj viktimës, e cila ishte ndarë nga ai dhe donte ta mbante fëmijën për vete.

Gjykata e Oldenburgut ka caktuar tetë seanca për këtë gjykim që pritet të përfundojë më 21 dhjetor. Për terminet kryesore janë urdhëruar masa të posaçme sigurie.