Ngritje e lehtë e numrit të të papunëve

7000 të papunë më tepër sa janë regjistruar në fund të dhjetorit, e ngrenë përqindjen e papunësisë ne Zvicër nga 3.6 në 3.8 %

Në përfundim të vitit që lamë pas në gjithë Zvicrën ishin të regjistruar 184600 persona në listat e të papunëve në entet e punës, njofton 20 Minuten.ch. Ky numër , siç ka bërë të ditur sot Sekretariati Shtetëror për Ekonomi SECO, është për 7 mijë më i madh se ai i një muaji më parë, respektivisht i fundit të nëntorit.

Shprehur në përqindje, 7000 të papunë më tepër sa janë regjistruar në fund të dhjetorit, e ngrenë përqindjen e papunësisë ne Zvicër nga 3.6 në 3.8 %. Frangu i fuqishëm, sipas SECO-s do të ndikojë që edhe në dy vitet që vijnë, përqindja e papunësisë të mbetet në nivelet rreth 3.4%.

Kjo nënkupton që me gjithë tejkalimin e shpejtë të krizës financiare që ka bërë Zvicra, përqindja e papunësisë ende nuk ka mundësi të zbresë në shifrat që ka pasur para krizës së vitit 2008/2009-