Kosovarja dyshohet për ndezjen e bibliotekës

Për implikimin e të arrestuarës në zjarrvënie, siç thotë policia, ka disa indikacione që kanë dalë nga vlerësimi i fotografive të kamerës përgjuese

5 ditë pas një zjarri që kishte shpërthyer në Bibliotekën e Qytetit të Lozanës policia ka arrestuar një vajzë 21 vjeçe nga Kosova si të dyshimtë për zjarrvënie të qëllimtë. Por një person tjetër dyshohet se ka qenë i përfshirë në ndodhinë e të dielës në Bibliotekën e Lozanës.

Ky konstatim vjen pasi që në të njëjtën kohë në hapësirat e bibliotekës ka pasur përpjekje për të thyer një trezor. Mbetet e paqartë se çfarë ka pasur në trezor dhe nëse sulmuesi ka marrë ndonjë gjë nga ai.

Për implikimin e të arrestuarës, siç thotë policia, ka disa indikacione që kanë dalë nga vlerësimi i fotografive të kamerës vëxhguese.

Në zjarrin që ka kapluar bibliotekën janë shkatërruar disa zyra, në msin e të cilave edhe ajo e drejtorit. Ndërsa librat e bibliotekës kanë shpëtuar pa  djegur.

Megjithatë rreth 100 mijë libra janë mbuluar nga bloza, ndërsa biblioteka do të mbetet e mbyllur edhe për rreth një javë për lexuesit. Për renovimin e zyrave duhet të pritet më gjatë.