DokuFest, në Forumin e Parë Ndërkombëtar të Festivaleve të Filmit Mjedisor

Gjatë këtyre tri ditëve festivalet do të diskutojnë çështje të përbashkëta, do të forcojnë lidhjet dhe do të promovojnë reflektimin mbi rëndësinë e platformave audiovizuale që nxisin ndryshime të qëndrueshme shoqërore.

DokuFest është një nga 38 festivalet e filmit mjedisor nga e gjithë bota që do të marrin pjesë në Forumin e Parë Ndërkombëtar të Festivaleve të Filmit Mjedisor, që do të mbahet në Seia të Portugalisë nga 13 deri më 15 tetor. Forumi, i organizuar nga CineEco 2018 dhe Green Film Network, anëtare e së cilës është edhe DokuFest, është pjesë e edicionit të 24-t të festivalit të filmit mjedisor në Portugali dhe mbështetet nga Qendra Portugeze e Turizmit.

Gjatë këtyre tri ditëve festivalet do të diskutojnë çështje të përbashkëta, do të forcojnë lidhjet dhe do të promovojnë reflektimin mbi rëndësinë e platformave audiovizuale që nxisin ndryshime të qëndrueshme shoqërore. Pjesëmarrësit ndërkombëtar nga këto shtete do të diskutojnë për çështjet mjedisore dhe të qëndrueshmërisë dhe do t’i ndajnë eksperiencat e tyre në përdorimin e filmit, artit dhe komunikimit për t’i adresuar këto çështje.

---