Hahn: Një marrëveshje e mirë është kompromis, Thaçi dhe Vucic le të vijojnë dialogun

Hahn vijon të theksojë se pavarësisht se ka ndryshime nga viti i kaluar, ai kërkon “progres më të shpejtë”. Këto komente ai i bëri gjatë një vizite në Maqedoni, ku krahas Shkupit, vizitoi edhe disa qytetarë në Shtip.

Në 30 shtator Maqedonia mban referendumin për ndryshimin e emrit, ndërsa në lidhje me këtë komisioneri i zgjerimit të BE, Johanes Hahn, për DW thekson se një “marrëveshje e mirë është kompromis” dhe se referendumi ka një perspektive gjenerale për gjithë banorët e vendit.

Hahn vijon të theksojë se pavarësisht se ka ndryshime nga viti i kaluar, ai kërkon “progres më të shpejtë”. Këto komente ai i bëri gjatë një vizite në Maqedoni, ku krahas Shkupit, vizitoi edhe disa qytetarë në Shtip.

Në pyetjen se nëse dështon referendumi, atëherë Hahn tha se marrëveshja mund të ratifikohet në parlament, por në rast se Maqedonia nuk ndryshon emrin, atëherë kapitulli i euro-integrimeve mund të mbyllet për dhjetë vitet e ardhshme, përcjell albinfo.ch. “Secili në Maqedoni duhet të jap pjesën e tij për të kaluar ky referendum suksesshëm.”

Në fund Hahn u ndal edhe te dialogu mes Kosovës dhe Serbisë, ku bisedohet për korrigjimin e kufijve.

“Këshilla ime është që ata (Hashim Thaçi dhe Aleksandër Vucic) le të negociojnë. Pasi të arrijnë ata marrëveshjen, le të bëhet publike te banorët e tyre dhe te komuniteti ndërkombëtar. Por ajo që është me rëndësi, marrëveshja e arritur duhet të sjellë stabilitet në rajon dhe jo të kundërtën,” tha ai.

---