Dimër në jug të Zvicrës

Moti i tillë në mars është i pazakontë në Ticino, thonë meteorologët nga “MeteoSwiss"

Në Ticino të Zvicrës është kthyer dimri. Gjatë gjithë natës nuk janë ndalur reshjet e borës, jo normale për këtë muaj në jug të Zvicrës. Në mëngjes sipas “MeteoSwiss” bora kishte krijuar trashësinë rreth dhjetë centimetra, ndërsa në lartësi deri në 35 centimetra.

Qarkullimi nëpër rrugët e Zvicrës po zhvillohet me kufizime, sidomos në autostradën A2 dhe A13. Rruga në mes të tunelit Gotthard –Chiasso, përkatësisht në Churi është mbyllur përkohësisht për automjete të rënda për shkak të borës.

Policia në Ticino nuk ka raportuar për aksidente të rënda, ndërsa ka bërë thirrje që të shmangen udhëtimet e panevojshme me automjete private.

Për shkak të reshjeve të borë ka pasur probleme edhe në Aeroportin e Luganos. 

Moti i tillë në mars është i pazakontë në Ticino, thonë meteorologët nga “MeteoSwiss”. Një mot i tilë mbahet mend vetëm në vitin 1975. 

Nga mëngjesi i së nesërmes ngadalë do të vijë  pranvera në Ticino të Zvicrës. Temperaturat do të sillen në maksimum prej 10-12 gradë