Finalja e madhe e Eurovision: Alis performon i pesti, publikohet renditja e plotë e shteteve

Shqipëria do të ngjitet në skenë në pozitën e pestë me këngën “Nân”.

 

Finalja e madhe e Eurovision po afrohet me shumë emocion, ndërsa është publikuar edhe renditja zyrtare e performancave për natën finale. Shqipëria, e përfaqësuar nga artisti Alis, do të ngjitet në skenë i pesti, ku do të interpretojë këngën “Nân”, transmeton albinfo.ch.

Me një interpretim të fuqishëm vokal dhe emocional, Alis arriti të elektrizojë arenën Wiener Stadthalle gjatë natës së dytë gjysmëfinale, duke siguruar kualifikimin e Shqipërisë për finalen e shumëpritur të së shtunës.

Finalja do të hapet nga Danimarka, e ndjekur nga Gjermania dhe Izraeli, ndërsa Shqipëria do të ketë një pozicion të favorshëm në fillim të spektaklit.

Për publikun shqiptar, finalja e Eurovision do të transmetohet drejtpërdrejt në RTK, RTSH.

Renditja e performancave në finalen e Eurovision:

1. Danimarkë: Søren Torpegaard Lund – Før Vi Går Hjem
2. Gjermani: Sarah Engels – Fire
3. Izrael: Noam Bettan – Michelle
4. Belgjikë: ESSYLA – Dancing on the Ice
5. Shqipëri: Alis – Nân
6. Greqi: Akylas – Ferto
7. Ukrainë: LELÉKA – Ridnym
8. Australi: Delta Goodrem – Eclipse
9. Serbi: LAVINA – Kraj Mene
10. Maltë: AIDAN – Bella
11. Çeki: Daniel Zizka – CROSSROADS
12. Bullgari: DARA – Bangaranga
13. Kroaci: LELEK – Andromeda
14. Mbretëria e Bashkuar: LOOK MUM NO COMPUTER – Eins, Zwei, Drei
15. Francë: Monroe – Regarde !
16. Moldavi: Satoshi – Viva, Moldova!
17. Finlandë: Linda Lampenius x Pete Parkkonen – Liekinheitin
18. Poloni: ALICJA – Pray
19. Lituani: Lion Ceccah – Sólo Quiero Más
20. Suedi: FELICIA – My System
21. Qipro: Antigoni – JALLA
22. Itali: Sal Da Vinci – Per Sempre Sì
23. Norvegji: JONAS LOVV – YA YA YA
24. Rumani: Alexandra Căpitănescu – Choke Me
25. Austri: COSMÓ – Tanzschein

Si do të zhvillohet votimi?

Në finalen e madhe, votimi do të hapet pak para interpretimit të këngës së parë dhe do të qëndrojë i hapur gjatë gjithë performancave, si dhe edhe 40 minuta pas këngës së fundit. Për këngën e preferuar mund të votohet deri në 10 herë.

Ndërkohë, për vendet që nuk marrin pjesë në Eurovision, votimi online në esc.vote hapet në mesnatë dhe mbyllet kur fillon shfaqja live, për t’u rihapur sërish pak para performancës së parë dhe për të vazhduar deri në fund të spektaklit.

---