Fëmijët shpalosin talentin e tyre në pikturë dhe muzikë

Në QSHKI, Kreuzlingen hapet ekspozita e piktores së vogël Abetare Berila dhe mbahet takimi garues i instrumentistëve të vegjël dhe të rinj

Të dielën më 24 mars, piktorja 9 vjeçare nga Gjermania, Abetare Berila, hap në Kreuzlingen të Zvicrës ekspozitën e saj të dytë.

Ekspozita e Abetare Berilës, në Qendrën Shqiptare për Kulturë dhe Integrim, do të qëndrojë e hapur deri më 30 prill.

Krahas solemnitetit të hapjes së ekspozitës, në të njëjtin ambient do të mbahet edhe takimi i instrumentistëve të vegjël dhe të rinj që ka karakter garues, njofton QSHKI.

Garat do të zhvillohen në instrumentet si: piano, violinë, flaut, kitarë etj. Garuesit do të marrin pjesë me nga dy ekzekutime obliguese dhe nga një sipas dëshirës, të veprave muzikore të autorëve botërorë dhe kombëtarë. Vlerësimi do të bëhet për të tri ekzekutimet.

Hapja e ekspozitës ashtu si dhe takimi i instrumentistëve bëhen në Qendrën Shqiptare për Kulturë dhe Integrim, Sonnenwiesenstrasse 26, 8280, Kreuzlingen, me fillim në orën 14.00.