Lë Gjermaninë për t’u kthyer në Shqipëri

Janë të shumtë mjekët shqiptarë të diplomuar jashtë vendit, të cilët po vendosin të rikthehen në Shqipëri për të kontribuar në shërbimin cilësor në sistemin shëndetësor.

Njëri ndër ta është Nikolin Koliqi, i cili ka ushtruar profesionin e tij si mjek në Gjermani për tre vite, transmeton “ATSH”.

Ndërkaq, ai është rikthyer në Shqipëri dhe aktualisht punon si pediatër në qendrën shëndetësore nr. 4 në Tiranë, përcjell albinfo.ch.

Disa nga mjekët që janë rikthyer janë Bianka Shima, Martin Mano e shumë të tjerë, ndërsa Ministria e Shëndetësisë së Shqipërisë ka inkurajuar rikthimin e tyre, për të dhënë ndihmesën e tyre në shëndetësinë shqiptare.