Ministria e Diasporës deklarohet pas arrestimit të zyrtarit të saj

Ministria e Diasporës me anë të një njoftimi ka deklaruar në lidhje me arrestimin e zyrtarit të saj.

Në njoftim thuher se me të marrë njoftimin nga ana e mediave për arrestimin e një zyrtari të Ministrisë së Diasporës, për dhënie ryshfeti ka kërkuar sqarim zyrtar nga policia e Kosovës nëse i arrestuar është për punonjësin e saj P.M. , zyrtar në MDIS.

“Si rezultat i informatës së dërguar nga policia e Kosovës ku thuhet se bëhet fjalë pikërisht për të dyshuarin P.M., zyrtar në Ministrinë e Diasporës, është informuar Ministri i Diasporës dhe investimeve Strategjike, dhe ka kërkuar nga Sekretarja e Përgjithshme e Ministrisë që të marrë masat e nevojshme konform legjislacionit në fuqi”, thuhet në njoftim.

Gjithashtu ministria ka njoftuar se sekretarja e Përgjithshme e MDIS, bazuar në ligjet e aplkueshme ka marrë vendimin e menjëhershëm për pezullimin parandalues të zyrtarit P.M. nga detyrat si zyrtar në MDIS deri në vendimin përfundimtar të organeve kompetente.