Shoqata e Qumështarëve pro taksës ndaj produkteve serbe

Vendimi i Qeverisë së Kosovës për vendosjen e taksës doganore prej 10% për mallrat që importohen në Kosovë nga Serbia dhe Bosnjë e Hercegovina i ka gëzuar drejtuesit e Shoqatës së Qumështarëve të Kosovës të cilët thonë se më ne fund zëri i tyre u dëgjua.

Ata thonë se kanë ngritur zërin disa herë për këtë pabarazi tregtare me Serbinë dhe Bosnjën.

Mirëpo, Shoqata e Qumështarëve shprehet skeptike se ky vendim do të zgjasë, pas thonë se përvojat e mëhershme kur një vendim i MTI-së për masë mbrojtëse të prodhimeve të qumështit ndaj importit nga Bosnjë dhe Hercegovina nuk zgjati më shumë se një javë.