Sport
Motër e vëlla binjakë, reprezentues të Zvicrës për juniorë
Gjatë verës, futbollisti shqiptar nga Biberisti, Rion Xhemaili, u inkuadrua me sukses në Përfaqësuesen zvicerane të grupmoshës U16. Por, rruga është ende e gjatë për talentin nga FC Solothurn, thotë Roni Vetter
Një muaj më parë, të rinjtë U-16 të e FC Solthurnit arritën ta mposhtin FC Baselin e madh në kuadër të 16-ës së finales në Kupën e Zvicrës, pas penalltive. Atëbotë, golashënues për FC Solthurnin ishte Rion Xhemaili, për rezultatin 1:1. Mirëpo, në çerekfinale, ndalesa përfundimtare u quajt FC Zurich, kur ekipi humbi me rezultat 0:4.
Në këtë ndeshje, Rioni tregoi një lojë mjaft të mirë dhe në minutën 81, ai u zëvendësua. “Rioni ka përgatitje të mirë dhe manovrimi me topin është i shkëlqyeshëm. Qëndrimi i tij është i drejtë dhe ka pasion për futbollin. Problemi i tij është vetëm efikasiteti”, ka analizuar Rony Vetter, drejtor i të rinjve në FC Solothurn, shkruan “Aargauer Zeitung”, përcjell Albinfo.ch.
Me strukturën e tij fizike prej 163 centimetra gjatësi dhe 46 kilogramë peshë, Rioni ende nuk iu përket më të fortëve. Por, kjo nuk është arsye për t’u shqetësuar, thotë trajneri Kahraman. “Ne do t’i japim atij kohë për t’u zhvilluar. Muskujt edhe për kohë të gjatë nuk janë ndonjë kriter, pasi në këtë moshë, zhvillimi fizik është i shpejtë.
“Fakti që jam inkuadruar në Përfaqësuesen zvicerane, nuk i takon talentit tim, por FC Solothurnit. Promovimi i talenteve të rinj këtu është ndër më të mirët në Zvicër”. Ky është vlerësimi real i djaloshit pesëmbëdhjetëvjeçar, njofton Albinfo.ch. Dhe ai nuk është i vetmi nga familja e tij që luan futboll. Që nga kjo verë, edhe motra e tij binjake Riola Xhemaili ka luajtur në Përfaqësuesen zvicerane të U16, duke bërë dy paraqitje zyrtare ndërkombëtare.
“Unë shpresoj se Riola Xhemaili së shpejti do të luaj me ne në Bernë”, thotë Rolf Kirchhofer, koordinator i ekipit të femrave tek BSC Young Boys, rreth motrës së Rinoit, e cila aktualisht është kapitene e ekipit FC Basel, për grupmoshën U 15. Ëndrra e saj për t’u bërë një futbolliste profesioniste është po aq e paprekur sa edhe e vëllait të saj, transmeton Albinfo.ch.
Por edhe pse binjakët po ëndërrojnë për një karrierë të madhe futbolli, ata nuk do ta humbasin truallin nën këmbët e tyre, pasi vitin e ardhshëm ata do t`ia fillojnë me praktikë.
Të ngjashme
Të tjera nga Sport
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Zvicër: Priten qira akoma më të shtrenjta gjatë vitit të ardhshëm Mungesa e banesave në Zvicër “nuk do të përmirësohet së shpejti”. Për shkak të aktivitetit të...
-
Numri i të burgosurve zviceranë rritet për 7% në një vit
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme