Robin Krasniqi mundet me pikë nga Cleverly

Gjyqtarët, duke e shpallur Cleverly-n fitues, kanë dhënë këto vlerësime në dëm të Krasniqit: 109:119; 108:120; 108:120.

Boksieri profesionist nga Juniku, i cili mbron ngjyrat e Gjermanisë, Robin (Haxhi) Krasniqi, nuk pati sukses në përpjekjen e tij të parë për të fituar titullin e të parit në botë në versionin WBO të kategorisë gjysmë të rëndë.

Krasniqi kishte sfiduar mbrojtësin aktual të titullit, Nathan Cleverly, duke boksuar në Sembley të Londrës. Lufta është zhvilluar në 12 runde dhe gjyqtarët njëzëri e kanë shpallur Cleverly fitues me pikë. Kështu, tre ndarësit e drejtësisë kanë dhënë këto vlerësime në dëm të Krasniqit: 109:119; 108:120; 108:120.

Për Robin Krasniqin ka qenë ky meqi i 42-të dhe humbja e tretë në karrierën e tij profesionale. Ndërsa Cleverly ka mbetur ende i pamposhtur, edhe në luftën e tij të 26.