Po vijnë vinjetat elektronike në Zvicër

Keystone

Vinjetat “klasike”, ato që ngjiten, në të ardhmen do të zëvendësohen me vinjeta elektronike dhe do të vazhdojnë të kushtojnë sikur deri tash, 40 franga. Këshilli Federal ka vendosur në parim për vinjetat elektronike që do të përdoren për të paguar rrugët nacionale. Megjithatë, planet e Këshillit Federal janë për të ngritur një sistem kamerash për të kontrolluar vinjetat elektronike nëpërmjet targave të veturave. Kishte gjithashtu shqetësime rreth privatësisë, shkruan albinfo.ch.

Në këtë sfond, Këshilli Federal ka autorizuar Departamentin e Financave që të përgatisë një model për vinjetat elektronike nga mesi i vitit 2019. Pronarët e automjeteve duhet të jenë në gjendje të zgjedhin nëse do të vazhdojnë të vendosin një etiketë ngjitëse në automjetin e tyre ose nëse duan të paguajnë taksën në mënyrë elektronike.

Kushdo që zgjedh variantin elektronik, do të duhej të regjistrojë targat e automjetit nëpërmjet një aplikacioni në sistem. Kontrollet duhet të vazhdojnë të kryhen nga policia dhe doganat. Rritja e çmimit nuk është planifikuar.