Ministrat e rinj të Gjenevës duhet të betohen që kurrë të mos pranojnë përfitime

(KEYSTONE/Martial Trezzini)

Çdo ministër i zgjedhur në Qeverinë kantonale të Gjenevës duhet të zotohet gjatë ceremonisë zyrtare të betimit për të mos kërkuar, pranuar apo ofruar kurrë asnjë lloj përfitimi.

Ky ndryshim në tekstin zyrtar të betimit erdhi si përgjigje e polemikave që kanë rrethuar ministrin e Gjenevës, Pierre Maudet, përcjell Albinfo.ch

Në të ardhmen, pjesëtarët e rinj të Qeverisë kantonale të Gjenevës duhet të betohen ose të premtojnë se ata nuk do të kërkojnë e as të pranojnë për vete apo për të tjerët, as drejtpërdrejt, as tërthorazi ndonjë dhuratë, avantazh apo premtim për shkak të funksionit zyrtar.

Ky ndryshim në tekstin e betimit për ministrat e rinj u lajmërua të enjten, pas miratimit nga parlamentarët e Gjenevës.