Rriten kostot e medikamenteve në Zvicër

Kostoja për medikamentet në Zvicër ka regjistruar një nivel të ri: më 2017 medikamentet arritën në më shumë se 7.5 miliardë franga zvicerane, shkruan albinfo.ch.

‘Helsana’ publikoi të hënën raportin farmaceutik 2018. Analizat tregojnë se kostoja e medikameteve në Zvicër është rritur sërish. Në 2017-ën, shpenzimet për ilaçe në kurriz të sigurimit bazë u rritën me gjysmë miliardë franga. Kostoja për medikamentet arriti në më shumë se 7.5 miliardë franga. 75 për qind e të gjithë të siguruarve e pranuan medikamentin në kurriz të sigurimit bazë.

Në Gjenevë morën më shumë ilaçe, ndërsa më së paku në kantonet e Thurgaut dhe Appenzellit. Kostoja më e lartë për medikamente ishte 128 milionë dollarë për ‘Remicade’, ‘Blockbuster imunosupresiv’.