Vinjetat e reja kanë ngjyrë të kaltër në Zvicër

Keystone

Tani është e qartë se si duket vinjeta e re për autostrada, e cila ende kushton 40 franga.

Vinjeta e re për autostradat zvicerane ka ngjyrë të kaltër si qielli. Nga e shtuna mund të merret nëpër pompa të benzinës, zyrat e trafikut rrugor, në zyrat doganore dhe në zyrën postare.

“Në mënyrë që të jetë e vlefshme, ajo duhet të ngjitet në automjet në pozicionin e përcaktuar”, tha Administrata Federale e Doganave, shkruan albinfo.ch.

Në rastin e makinave, ajo duhet të vendoset në pjesën e brendshme të xhamit të përparmë, rimorkiove dhe motoçikletave, në një pjesë që nuk mund të zëvendësohet.

Vinjeta do të jetë e vlefshme nga 1 dhjetori i këtij viti deri më 31 janar 2020, me kusht që të vendoset në automjet në pozicionin e përcaktuar, siç njoftoi të enjten Administrata Federale Doganore e Zvicrës.

Në të ardhmen është paraparë mundësia për të paguar taksën nacionale rrugore në mënyrë elektronike. Pas kritikave, Këshilli Federal vendosi të aplikojë e-vinjetën në baza vullnetare. Departamenti i Financave duhet të bëjë një model për këtë deri nga mesi i vitit 2019.