Autotarga “BE 5”, pritet ta thyejë rekordin zviceran

(KEYSTONE/Salvatore Di Nolfi)

Ankandi për autotargën me numër “ZG 28” tashmë ka përfunduar: Ajo u vlerësua deri në 52.000 franga. Fituesi dha ofertën e fundit të ankandit pak para përfundimit. Autotarga “BE 5” është ende në garë, njofton Albinfo.ch.

Në Kantonin e Bernës, në rrjedhë e sipër është ende ankandi në fjalë: Këtu bëhet fjalë për autotargën “BE 5” e cila është pika më tërheqëse në garë.

Çmimi fillestar të premten ka qenë 4,900 franga, ndrësa për momentin është 125.000 franga zvicerane, shkruajnë mediat zvicerane, përcjell Albinfo.ch.

Departamenti i komunikacionin rrugor të Bernës është duke shpresuar se do ta thyejë rekordin zviceran, ka pohuar Hans Peter Butler, shef i këtij departamenti. Ende ka kohë deri më 12 dhjetor, kur ankandi në Bernë do të përfundojë. Megjithatë, për ta thyer rekordin zviceran, ofertuesit do të duhet të ofrojnë shuma pak më të larta: Rekordin e deritanishëm e mban autotarga “ZG 10” me 233,000 franga.