Agjenti: Hysaj mund të largohet

(Maurizio Brambatti/ANSA via AP)

Një ditë pasi u paralajmërua në mediat ndërkombëtare për interesimin e skuadrës londineze Chelsea për mbrojtësin e krahut të Napolit dhe kombëtares së Shqipërisë, Elseid Hysaj, ka dalë me një deklaratë edhe agjent i tij.

Agjenti i Hysajt la të kuptohet se futbollisti mund të largohet nga Napoli.  Arsyeja kryesore është minutat e pakët që po ka Hysaj, pasi skuadrën e mori tekniku italian, Carlo Ancelotti. “Në Champions, Ancelotti ka vendosur të luajë me Maksimoviq, por këtë zgjedhje duhet ta kuptojmë dhe nuk duhet të krijojmë polemika me trajnerin. Por, askush nuk mund të thotë që papritur Hysaj u bë një lojtar mediokër. Po flasim për rinovimin e tij dhe kur koha të jetë e duhur, mund të ndodhë. Nuk është e thënë që të qëndrojë në Napoli, pasi ka një klauzolë që e lejon të largohet që në janar”, tha agjenti i futbollistit, Mario Giuufreddi për mediat shqiptare, përcjell albinfo.ch.

Hysaj ishte i padiskutueshëm në formacionin bazë të Napolit derisa klubi drejtohej nga Sarri që tash po e kërkon atë te Chelsea.