Talenti nga Kosova po shkëlqen për ‘Milionerët’

Rilind Hetemi është futbollisti tjetër shqiptar që pritet shumë në të ardhmen nga ai

Bundesliga po mbushet me futbollistë shqiptarë. Janë pesë futbollistë nga Kosova që paraqiten në kampionatin gjerman.

Milot Rashica, Leon Dajaku, Meritan Shabani, Elvis Rexhbeçaj dhe Florent Muslija paraqiten në Bundesligë, derisa atyre shumë shpejt mund t’u shtohet edhe një emër tjetër, shkruan albinfo.ch.

Bëhet fjalë për Rilind Hetemi, i cili luan për ekipin e të rinjve të Borussia Dortmundit.

Ai shënoi në barazimin 1:1 në Ligën e Kampionëve për të rinj. Futbollisti i talentuar nga Kosova, në këtë ndeshje, hyri në minutën e 77-të, ndërsa dy minuta më vonë ka shënuar për barazimin 1:1.

Ai është vetëm 16 vjeçar, i lindur në Wuppertal të Gjermanisë dhe luan si mesfushor qendror.

---