Breshëri shkakton dëme në Cyrih

Më të prekurit nga breshëri kane qenë regjionet rreth qyteteve Wetzikon, Hinwil dhe Andelfingen

Breshëri që ka rënë mbrëmjen e të martës në Kantonin e Cyrihut ka shkaktuar dëme në lartësi prej 15 milionë frangash. Breshër me kokrra të madhësisë së topit të pingpongut ka shkaktuar panik dhe dëme gjithandej.

Kompania kantonale për sigurimin e ndërtesave (GVZ)ka vlerësuar se dëme kanë pësuar 2000 deri 3000 ndërtesa, njofton Christian Caduff nga GVZ.

Më të prekurit nga breshëri kane qenë regjionet rreth qyteteve  Wetzikon, Hinwil dhe Andelfingen. Para së gjithash dëme kanë pësuar dritaret e kulmeve të shtëpive, kolektorët e diellit dhe qepenat prej alumini të dritareve.

Stuhia e madhe që ka kapluar mbrëmë regjionet e përmendura ka mobilizuar shërbimet zjarrfikëse dhe ato për shpëtim nga uji. Në liqenin Greifensee pesë lundrues dhe dy notues kanë qenë në rrezik dhe është dashur të ndihmohen. Një numër i madh bodrumesh janë mbushur përplot me ujë ndërsa shumë trungje drurësh janë rrëzuar duke rënë mbi rrugë. Ndërsa në Nanikon nga era e fuqishme një shtëpi është rrënuar tërësisht, por pa pasoja në njerëz.