Serbia ofron armatim falas për vendet që tërheqin njohjet e Kosovës

Ministri serb i Mbrojtjes, Aleksandër Vulin, ka deklaruar se Serbia këtë vit ka eksportuar armatim me vlerë mbi 600 milionë dollarë.

Kjo shumë, siç përcjell “Blic” i Beogradit, është 10 për qind më shumë se sa një vit më parë.

Serbia armët i shet kryesisht në vendet e Afrikës, por edhe në vendet arabe si dhe në ato të Amerikës Latine, transmeton “alsat”.

Ajo, madje, disa vendeve u ka ofruar armatim falas që ta tërheqin njohjen e pavarësisë së Kosovës, përcjell albinfo.ch.

Kjo është edhe një taktikë nga ana e serbëve për të penguar Kosovën në institucionet ndërkombëtare, ku më parë kanë lobuar që të mos pranohen në Interpol dhe UNESCO.

Ndërkohë, Kosova i është përgjigjur me taksën, duke i shkaktuar miliona euro dëme.