E-Diaspora

Ngjarja në Zvicër e lidhur me vrasjen e Dilaver Boiku-Lekut?

Mediat zvicerane raportojnë se kjo ishte një hakmarrje në mes të dy familjeve armiqësore Maqedonisë, sepse besohej se I. Istrefi është vrasësi i Dilaver Boiku-Lekut

E enjte, 27 Dhjetor 2018 - 20:10 albinfo.ch

Në bazë të ligji për rregullat e trafikut, gjoba për tejkalim në vijë të plotë fillon nga 100 deri në 300 euro, ndalim të patentë shoferit për 3 deri në 6 muaj dhe dy pikë negative

Të martën, më 25 dhjetor, në Rüti ZH, një person i panjohur ka qëlluar me disa të shtëna në një lokal. Me këtë rast, një person ka humbur jetën.

Pak para 02:00, Policia Kantonale e Cyrihut ka marr informatë se një person kishte pësuar plagë vdekjeprurëse, shkruajnë mediat zvicerane, përcjell Albinfo.ch.

Sipas hetimeve fillestare, një autor i panjohur ka qëlluar me disa të shtëna në restorantin Bären.

Pronari, një shtetas 51-vjeçar nga Maqedonia, ka pësuar plagë të rënda të cilave nuk ka mundur tu mbijetojë. Personat e tjerë, të cilët gjatë kohës së krimit kanë qenë në lokal, kanë kaluar pa ndonjë lëndim.

Vrasja dyshohet të jetë qërim hesapesh midis klaneve mafioze. Një mik i të vrarit I. I. (51) është i sigurt se ai ishte viktimë e klaneve mafioze nga Maqedonia, shkruan albinfo.ch.

Zënka e tyre tashmë kishte qenë e njohur në qytetin e Strugës në Maqedoni. Dhe deri më tani ka pasur më tepër viktima: Kështu pra, dihet se biri atëherë 23-vjeçar i I. I. ishte vrarë në Maqedoni tre vite më parë. Atëbotë, djali tjetër i tij ishte plagosur rëndë dhe që atëherë ka mbetur invalid.

Klanit të I.S. gjithashtu i mvishet një vrasje, nga e cila jetën e humbi shefi i mafias D.B. (58) i cili kërkohej për trafikim me qenie njerëzore. Ai u qëllua në kokë shtatorin e kaluar, në restorantin e tij në Strugë.

Por, mediat shqiptare në Maqedoni kanë dhënë detaje tjera nga ky rast. “Mediat zvicerane raportojnë se kjo ishte një hakmarrje në mes të dy familjeve armiqësore Maqedonisë, sepse besohej se I. Istrefi është vrasësi i Dilaver Boiku-Lekut. Pronari i restorantit është vrarë me disa plumba që janë shkrepur përmes dritareve nga drejtimi i rrugës”, shkruan Fakti Ditor.

Media zvicerane pohojnë se pronari i restorantit në Zvicër nuk është viktima e parë e gjakmarrjes. Sipas shkrimeve të tyre, ka pasur konflikt mes tij dhe familjes së Dilaver Bojku-Lekut. Sipas disa burimeve, vrasja e parë ishte në vitin 2015, kur S. Istrefi (23), i biri i 51-vjeçarit të vrarë, u qëllua në Strugë. Dhe në gusht të vitit 2017, u godit Dilaver Bojku Leku i cili ndërroi jetë në vendin e ngjarjes.