CH-Ballkani
Numri më i ri i albinfo.ch, në shenjë të “Vitit të shqiponjës”
Ka dalë nga shtypi numri i gjashtë, i fundit për këtë vit, i revistës albinfo.ch. Duke qenë se mbërrin në duart e lexuesve në prag të ndërrimit të motmoteve, ky numër i kushtohet festës më popullore ndër shqiptarët dhe të tjerët, asaj të Vitit të Ri.
Siç ndodhë rëndom në numrat e fundvitit të revistave, një pjesë e mirë e tyre i kushtohet rikapitulimit të zhvillimeve që kanë karakterizuar vitin në ikje. Albinfo.ch në numrin e saj më të ri, retrospektivën në fjalë e bën duke iu referuar diasporës shqiptare dhe në veçanti asaj në Zvicër, ku dhe e ka domicilin. Dhe, kur jemi te shqiptarët e Zvicrës, “bërja e shqiponjës” nga yjet e futbollit: Xhaka e Shaqiri dhe shumëçka që derivoi nga kjo, ka qenë segmenti më dallues për vitin 2018, jo vetëm sa i përket diasporës shqiptare. Për këtë arsye në ballinën e revistës është evndosur titulli “2018, Viti i Shqiponjës”.
Po ashtu, në fokus të shkrimeve të këtij numri janë vënë arritjet e pjesëtarëve të diasporës shqiptare të Zvicrës në harkun kohor prej një viti. Bëhet fjalë për arritje të politikanëve, artistëve e sportistëve me rrënjë shqiptare në skenën e politikës, sportit dhe shoqërisë zvicerane në përgjithësi.
Po ashtu në revistë prezantohen sportistë, modele, blogere, pjesëtarë të estradës shqiptare të Zvicrës etj., të cilët flasin për zhvillimet më të rëndësishme në karrierat e tyre gjatë vitit 2018.
Një numër si ky i revistës, i realizuar në vlugun e atmosferës parafestive, nuk ka si të mos “veshë” petkun festiv. Kjo shihet që në ballinë, ku prezantohen Heidi Lushtaku & Robin Krasniqi, çift i njohur për opinionin shqiptar e më gjerë. Sigurisht aty ku është Heidi Lushtaku është edhe glamuri, shkëlqimi dhe kjo shpërfaqet doemos në setin e ri të fotografive të çiftit, të cilat për herë të parë i publikon albinfo.ch.
Fryma festive e përshkon të gjithë numrin e revistës, e cila, si zakonisht, shpërndahet falas në të gjitha vendet e frekuentuara nga shqiptarët në Zvicër.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla