Dhuna ndaj fëmijëve, raportohet një në dhjetë raste

4.000 fëmijë dhe të rinj në vit janë viktima të dhunës seksuale në Zvicër. Por, një studim i ri tregon se ka të prekur gati dhjetë herë më shumë

Sipas shifrave zyrtare janë 3.500 deri 4.000 fëmijë dhe adoleshentë viktima të dhunës seksuale në Zvicër. Por, një studim i ri nga Universiteti i Cyrihut tregon se raportohen vetëm rreth 5 deri në 10 për qind të rasteve.
  
“Ne kemi gjetur se në Zvicër çdo vit rreth 1.000 raste të dhunimit të fëmijëve janë raportuar. Por, ne kemi informacione se numri aktual i rasteve të tilla është përafërsisht dhjetë herë më i lartë”, thotë udhëheqësi i studimit, Tomas Maier, për “Tagesschau” të SRF-së.

Hulumtuesit kanë kryer një studim të gjerë për dhunën seksuale ndaj të miturve dhe pastaj kanë krahasuar këto rezultate me rastet e raportuara në mënyrë efektive.

Arsyet pse nuk raportohen vepra të këtilla janë të shumta. Shpesh viktimat janë të kërcënuara se duhet ta mbajnë sekret dhunën e ushtruar ndaj tyre. Shumë fëmijë dhe të rinj janë turpëruar për atë që ka ndodhur dhe për këtë arsye nuk duan të flasin për rastin.