Edhe kontrollorët e APN-së paralajmërojnë grevë

Shoqata Sindikale e Kontrollorëve të Trafikut Ajror të Kosovës, përmes një komunikate për media, ka paralajmëruar grevë njëorëshe më 13 shkurt.

SINKON këtë hap thotë se do ta ndërmarrë për shkak të pakënaqësive të përfshirjes së këtij institucioni në Ligjin e pagave, përcjell albinfo.ch.

“Anëtarësia e SINKON-it vendosi që të shpallë grevë paralajmëruese prej orës 08:00 deri në ora 09:00. Duke qenë se Ligji për Greva në nenin 17 njeh kontrollin e trafikut ajror si shërbim jetik, gjatë kohëzgjatjes së grevës, kontrollorët do të sigurojnë minimumin e procesit të punës, duke i ofruar shërbime të trafikut ajror fluturimeve ushtarake dhe ambulantore në Kosovë”, thuhet në komunikatë.