Shkurt.ch
Zvicër: 10 milionë franga ndihmë refugjatëve në Bangladesh
Në vitin 2019 Zvicra po kontribuon në përpjekjet për të zgjidhur krizën e refugjatëve Rohingya në Bangladesh, duke siguruar 10 milionë franga zvicerane në ndihmë dhe duke dërguar ekspertë nga Ndihma Humanitare Zvicerane (CSA). Situata në rajonin e pranimit në Bangladeshin Lindor mbetet kritike, informon albinfo.ch. Plani i përbashkët i përgjigjeve të organizatave ndërkombëtare dhe OJQ-ve kërkon burime financiare prej 920 milionë dollarëve.
Në lansimin e planit të përbashkët të përgjigjes në Gjenevë, Zvicra ripohoi angazhimin e saj për të zgjidhur krizën e refugjatëve në Bangladesh. Kontributi i saj prej 10 milionë frangash ka për qëllim të vazhdojë dhe të thellojë përpjekjet e ndërmarra deri më sot në fushën e ujit dhe kanalizimeve, si dhe në fushën e mbrojtjes dhe parandalimit të katastrofave, informon albinfo.ch. Përveç kësaj, ekspertët shtesë të CSA-së do të dërgohen në qarkun e Cox`s Bazar për të ndihmuar në menaxhimin e krizës. Aktualisht, gjashtë ekspertë zviceranë janë të angazhuar në nivel lokal, brenda organizatave të OKB-së ose si pjesë e koordinimit të projekteve të ndihmës humanitare të DDC-së.
Me këtë kontribut të ri, ndihma humanitare e Zvicrës për refugjatët Rohingya ka arritur një total prej 30 milionë frangash nga viti 2017. Në një deklaratë, Zvicra kërkon që Mianmar dhe Bangladesh të garantojnë kushtet e një kthimi vullnetar, të sigurt dhe dinjitoz të personave të zhvendosur, informon albinfo.ch. Për të arritur një zgjidhje të qëndrueshme, ajo kërkon respektimin e së drejtës ndërkombëtare, sidomos për të garantuar dhe për të mbrojtur të drejtat e njeriut në shtetin Rakhine në Myanmar, rajonin e origjinës së refugjatëve Rohingya.
Të ngjashme
Të tjera nga Shkurt.ch
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
Zvicër: Së shpejti pritet ulje e çmimit të faturave të energjisë elektrike Dimri ishte i lagësht dhe i butë. Përveç kësaj, termocentralet bërthamore zvicerane furnizonin mjaftueshëm energji elektrike....
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur
-
Më shumë hapësira parkimi elektrik në Gjenevë