Me punë dhe të varfër në Zvicër

Keystone

Puna nuk të mbron nga varfëria, madje kjo ndodh edhe në Zvicër. Për një numër të konsiderueshëm, të ardhurat nuk janë të mjaftueshme për të siguruar jetesën e tyre, pavarësisht punësimit të plotë, shkruan albinfo.ch.

Zyra Federale e Statistikave (BfS) i quan këta persona “të varfër të punës”, shkruajnë mediat zvicerane.

Në Zvicër, janë 140,000 burra dhe gra që janë të varfër, pavarësisht nga puna e tyre.

Për këtë arsye, 49.000 fëmijë jetojnë në familjet e varfra dhe janë të prekur nga kjo situatë e varfërisë, përcjell tutje albinfo.ch.

Në total, 615,000 njerëz të popullsisë zvicerane jetojnë nën vijën e varfërisë. Pa mbështetjen e institucioneve shtetërore apo private, Zvicra madje numëronte edhe 700.000 njerëz nën kufirin e varfërisë.

Në vitin 2010, ishin 120,000 punëtorë në Zvicër që punonin dhe ishin të varfër.

Në vitin 2012, kjo shifër ishte 130,000. Më 2016, 140,000 njerëz u prekën nga varfëria në punë ose 3,8% të fuqisë punëtore.

Në vitin 2016, 290,000 njerëz ishin në rrezik të varfërisë, pavarësisht punës ose 7,8% të fuqisë punëtore.