Shkëlqimi i Rashicës në Gjermani

Ai disa vjet më parë luante për Kosovën e Vushtrrisë, derisa sot është yll në Gjermani

Nuk kaluan as tre minuta kur Milot Rashica shënoi golin e parë në ndeshjen ndaj Mainzit, ku skuadra e tij e fitoi 3:1.

Rashica i gjendur përballë portës nuk gaboi për 1:0, derisa më pas edhe asistoi, duke dëshmuar formën e jashtëzakonshme që po kalon në skuadrën gjermane.

Ylli i Kosovës tashmë ka arritur në kuotën e tetë golave në Bundesliga, teksa ka edhe dy asistime, përcjell albinfo.ch.

Ai iu bashkua skuadrës gjermane nga Vitese, dhe pas një fillimi jo shumë të mirë, tashmë është ambientuar në skuadrën gjermane duke qenë lider.

Tashmë kanë arritur ofertat në drejtim të futbollistit të Kosovës, për të cilin po interesohen shumë skuadra të njohura.

Nuk është befasi që Rashicën të shohim në një skuadër më të madhe evropiane në sezonin e ardhshëm.

Ai disa vjet më parë luante për Kosovën e Vushtrrisë, derisa sot është yll në Gjermani.

---