Florent Muslija zgjedh kombëtaren e Kosovës

Futbollisti kosovar që aktivizohet në Bundesliga, Florent Muslija, ka pasur një takim me zyrtarët e Federatës së Futbollit të Kosovës. Krerët e FFK-së tash e sa kohë janë në kërkim të mesfushorit të Hanoverit, që këtë sezon ka debutuar në elitën e futbollit gjerman. 

Në një foto të realizuar në një drekë tradicionale, Muslija është parë i shoqëruar nga përfaqësuesi i FFK-së për Gjermani, Fekmi Kongjeli, përcjell albinfo.ch.

Muslija, që nuk kishte vendosur ende se për cilin shtet do të luajë, ka qenë pjesë e Gjermanisë U20, ku në tri paraqitje ka një gol.