Leonardo di Caprio, 3 milonë dollarë për tigrat e Nepalit

Fondacioni i aktorit Leonardo di Caprio ka ndarë 3 milionë dollarë për Fondin për Ruajtjen e Natyrës (World Wildlife Fund - WWF) në ruajtjen dhe riprodhimin e tigrave të Nepalit.

Nga WWF tha se paratë që janë dhënë nga Fondacioni që themeloi Di Caprio në vitin 1998, tani 39-vjeçar, do të përdoret për një iniciativë që në Nepal deri më 2022 të dyfishohet numri i llojeve të tigrave. Sipas autoriteteve të Nepalit, aktualisht janë 200 lloje të këtyre tigrave gjigantë.

Kontributi financiar i aktorit është për të lejuar WWF në Nepal që të marrë një sërë masash konkrete për të mbrojtur këtë specie të rrezikuar.

Numri i tigrave në Nepal është ulur nga viti në vit, por aktori thotë se sot rreth 3200 tigra ka gjithsej në mbarë botën, të cilët janë të kërcënuar nga gjuetia ilegale. Fondacioni i tij ka ndihmuar tashmë parkun e Nepalit për të rritur numrin e tigrave nga 18 në 50.
Më parë DiCaprio ishte një anëtar i bordit të WWF. 

Ai kishte vizituar si pjesë e grupit të ekspertëve Nepalin, ku ai kishte bërë një vlerësim të gjendjes së monitorimit shkencor në parqet nacionale ku jetojnë tigrat.