Tematike
Qeveria zvicerane synon t’i integrojë në punë refugjatët
Këshilli Federal në mbledhjen e tij të mbajtur më 10 prill 2019 ka miratuar agjendën për integrim të Zvicrës dhe me këtë, edhe kompensimin që do t`u bëhet kantoneve për koston shtesë në këtë sferë
Refugjatët dhe të pranuarit e përkohshëm duhet të integrohen më shpejt në sferën e punës. Duke pasur këtë qëllim para vete, federata dhe kantonet, në fillim të vitit 2018 janë pajtuar për të krijuar një agjendë të përbashkët të integrimit.
Këshilli Federal në mbledhjen e tij të mbajtur më 10 prill 2019 ka miratuar agjendën për integrim të Zvicrës dhe me këtë, edhe kompensimin që do t`u bëhet kantoneve për koston shtesë që shkakton përkujdesja për azilkërkuesit dhe refugjatët e mitur, të pashoqëruar. Këshilli Federal ka vendosur që kjo agjendë të hyjë në fuqi më 1 maj 2019.
Çdo vit, rreth 11 mijë njerëz aplikojnë për azil në Zvicër.
Sfida e parë për shumë prej tyre është të mësuarit e ndonjë gjuhe lokale, pastaj gjetja e një pune ose arsimimi, shkruan lenews, përcjell albinfo.ch.
Aftësitë jo të mirë gjuhësore dhe kufizimet e tregut të punës në kantone të caktuara, janë arsyet kryesore pse refugjatët nuk punojnë, sipas studimeve të ndryshme.
Shkalla e punësimit në mesin e refugjatëve ndryshon dukshëm nëpër kantone.
Në prill të vitit të kaluar, shkalla e punësimit mes azilkërkuesve të aftë për punë ishte nga 0 për qind në kantonet Glarus, Jura, Nidwalden dhe Uri, deri në 17.5 përqind në Graubünden.
Disa kantone kanë kufizime për refugjatët për të punuar në industri specifike, e disa të tjerë u japin përparësi vendësve, përcjell albinfo.ch.
E mbijetesa e refugjatëve dhe azilkërkuesve i ka kushtuar qeverisë zvicerane 988 milionë franga në vitin 2017. Kjo shumë është rritur që nga viti 2008, kur ishte 329 milionë franga.
Kjo kosto e lartë për sigurimin e mirëqenies së këtyre kategorive, ka bërë që qeveria të interesohet për punësimin e refugjatëve dhe azilkërkuesve.
Kohët e fundit, qeveria zvicerane ka nisur një sërë inciativash lidhur me këtë çështje.
Berna do ta trefishojë në 18 mijë franga shumën që i paguan kantoneve për të integruar çdo person në tregun e punës, projekt që vlerësohet se do të kushtojë 132 milionë franga.
Përmes këtij projekti, synohet që refugjatët ta mësojnë gjuhën lokale brenda tri viteve, të punësojnë të paktën gjysmën e të rriturve brenda shtatë viteve, dhe t’i kyçin në arsim dy të tretat e refugjatëve të moshave 15-25 vjeç.
Të tjera nga Tematike
E-Diaspora
-
Ambasadori i Kosovës, Mentor Latifi, viziton kompaninë smzh AG Diplomati kosovar theksoi rëndësinë e forcimit të marrëdhënieve ekonomike dhe tregtare ndërmjet Kosovës dhe Zvicrës, duke...
-
Shaqiri, “kryefjalë” e numrit më të ri të revistës albinfo.ch
-
Dy shqiptarë dënohen me burg dhe me “dëbim të menjëhershëm” nga Zvicra
-
Zvicër
Ema Hoti, finaliste në “Miss Universe Switzerland”
-
Stokholm: Petrit Gora, drejtor i REX i Animation Film Festival
Jeta në Zvicër
-
Vendosë gjykata, Google nuk duhet të heqë përmbajtjen kritike ndaj FIFA-s Google nuk ka pse të fshijë artikujt në lidhje me shoqatën botërore të futbollit FIFA nga...
-
Gjeneva do të presë takimin e OKB-së për Palestinën
-
Shtyhet për një vit periudha e nisjes për përfituesit e statusit S
-
Fitime për bursën zvicerane nga ulja e normave të interesit në SHBA
-
Shkenca kritikon të shtënat e planifikuara mbi tufën e ujqërve