Kosova
Mbi 650 policë të angazhuar për zgjedhjet në veri
Zëvendës drejtori Policisë së Kosovës për rajonin e veriut të vendit, Besim Hoti, ka përshkruar situatën e përgjithshme dhe gjendjen e sigurisë në ditën e zgjedhjeve në veri deri në kohën kur po raportojmë, tërësisht të qetë dhe pa asnjë incident.
Sipas tij, me qëllim të ofrimit të shërbimeve sa më efikase për qytetarët dhe krijimin e kushteve për të votuar lirshëm, Drejtoria rajonale e policisë në veri është përforcuar me pjesëtarë të policisë edhe nga regjionet tjera të Kosovës, raporton KosovaPress, përcjell albinfo.ch.
Ai potencoi se sot mbi 650 pjesëtarë të policisë së Kosovës në katër komunat veriore janë përfshirë nga orët e hershme të mëngjesit dhe deri në përfundimin e tërë procesit.
“Deri në këto momente kur po bisedojmë, asnjë thirrje të vetme nuk kemi pranuar as nga qendra e votimeve por as nga të gjithë ata të përfshirët në monitorimin dhe mbarëvajtjen e këtij procesi zgjedhor, që nënkupton se situata paraqitet tërësisht e qetë… Ajo çfarë është e rëndësishme është se duke marrë parasysh që vetëm Drejtoria Rajonale e Policisë ka qenë e përfshirë në këto zgjedhje të jashtëzakonshme, na është dhënë mundësia që të marrim forca dhe njësi shtesë nga regjionet tjera të cilat do të ndihmojnë Drejtorinë rajonale në katër komunat, që të ofrojë shërbime sa më kualitative dhe më efikase për qytetarët e saj, me qëllim që ata të votojnë lirshëm dhe të shfrytëzojnë të drejtën e tyre kushtetuese… Sot i kemi diku mbi 650 pjesëtarë të policisë së Kosovës që janë përfshirë nga orët e hershme të mëngjesit deri në përfundimin e tërë procesit”, ka thënë Hoti.
Zgjedhjet në Mitrovicë, Leposaviq, Zubin Potok dhe Zveçan janë duke u mbajtur ndërsa qendrat e votimit do të mbyllen në orën 19:00.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut