Tematike
Zvicra do të vazhdojë pranimin grupor të refugjatëve
Në mbledhjen e mbajtur më 29 maj 2019 Këshilli Federal ka miratuar konceptin për pranimin e grupeve të refugjatëve me status të njohur
Më 30 nëntor 2018 Këshilli Federal i Zvicrës pati vendosur në parim që të vazhdojë pjesëmarrjen në Programin e Risistemimit (Resettlemnt) të refugjatëve të përcaktuar nga UNHCR. Ndërsa në mbledhjen e mbajtur më 29 maj 2019 Këshilli Federal ka miratuar konceptin për pranimin e grupeve të refugjatëve me status të njohur, thuhet në një komunikatë të ekzekutivit të Zvicrës, transmeton albinfo.ch.
Qeveria e vendit, veç tjerash ka vendosur që në vitin 2020 dhe 2021, Zvicra të pranojë maksimalisht nga 800 refugjatë veçanërisht të lëndueshëm (në gjendje më të rëndë), dhe të cilët janë duke jetuar në kushte shumë të vështira në vendet ku u është njohur së pari statusi i refugjatit.
Së paku 80 për qind të këtyre refugjatëve duhet të merren në regjionet e krizës në Lindjen e Afërme dhe përmes rrugës së njohur të migrimit që shkon nëpër Detin Mesdhe.
Koncepti i risistemimit të refugjatëve është përpunuar së bashku nga federata, kantonet, komunat dhe organizata të tjera. Ai parashikon që Këshilli Federal njëherë në dy vite të miratojë një projekt risistemimi për pranimin e 1500 deri në maksimalisht 2000 refugjatëve. Por, paraprakisht për këtë duhet të konsultohen kantonet dhe komisionet e politikës shtetërore të dy dhomave të parlamentit.
Risistemimi është prej dhjetëra vitesh pjesë përbërëse e politikës zvicerane të refugjatëve. Por e reja e konceptit më të fundit ka të bëjë me vendosjen e programeve me ritëm dyvjeçar. Kjo e shtin sidomos mundësinë e planifikimit nga kantonet, të cilat janë përgjegjëse për strehimin e refugjatëve.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut