Shkodran Osmanaj, anëtar i ri i Orkestrës Simfonike të Bernës

Pas audicionit te suksesshëm, Shkodran Osmanaj do të jetë pjese e Orkestrës Simfonike të Bernës për sezonin 2019/2020.

Edhe pse fillimisht llogaritet si praktikë, në fakt është një mundësi e mirë për të qenë anëtar i përhershëm i kësaj orkestre, e para së gjithash, një përvojë shumë e mirë për Shkodranin.

Shkodran Osmanaj, nga Prishtina, i cili rrjedh nga një familje muzikantësh, ka rreth dy vjet që është student i nivelit Master në Fakultetin e Arteve në Bernë.

Ai gjatë studimeve të tij ka qenë mjaft aktiv në koncerte të ndryshme anembanë Evropës.

Në audicionin e mbajtur pak kohë më parë për një instrumentist të Kontrabassit në Orkestrën Simfonike të Bernës, sipas jurisë, Shkodrani ishte bindshëm më i mirë se 8 kandidatët e tjerë, duke fituar kështu një vend në këtë orkestër.

Ai po ashtu, që nga viti 2012 është anëtar edhe i Filarmonisë së Kosovs, ku angazhohet në raste të caktuara.

Më parë ka qenë edhe anëtar i orkestrave rinore, si ajo italiane, shqiptare dhe Mediterane. 

Orkestra Simfnike e Bernës ka një traditë prej 140- vjetësh, dhe në mësin e saj nga rreth 100 muzikantë dhe muzikante nga 20 kombe të ndryshme të botës. Duke pasur shpesh në mesin e saj edhe yje botërore, ka bërë që kjo orkestër të jetë shpesh prezente me koncerte si brenda apo edhe jashtë Zvicrës (Gjermani, Angli, Kinë etj).

Ndërsa pjesë kulminante e çdo sezoni është padyshim koncerti në qiell të hapur e që mbahet çdo vit në sheshin para Pallatit të Parlamentit Federal në Bernë (Bundesplatz).