Futboll
Reagimi i Kosovare Asllanit pas eliminimit të Suedisë nga Kampionati Botëror
Futbollistja nga Kosova, Kosovare Asllani ka pësuar një lëndim serioz në gjysmëfinalen e Kampionatit Botëror për femra në mes të Suedisë dhe Holandës.
Në ndeshjen e zhvilluar mbrëmë, Suedia pësoi humbje 2:0 nga “Tulipanët” për t’u eliminuar nga ky kompeticion, por që tashmë vashat suedeze do të luajnë për vendin e tretë kundër Anglisë.
Futbollistja me prejardhje nga Kosova u lëndua në përfundim të ndeshjes së djeshme, teksa raportohet se ajo pësoi një lëndim në kokë.
Madje, ajo nuk ishte e aftë ta lëshonte fushën vetë, duke u ndihmuar nga stafi mjekësor.
Bëhet e ditur se Asllani u dërgua në spitalin më të afërt për teste mjekësore, teksa Suedia shpreson që ta ketë futbollisten e saj në skuadër për ndeshjen e së shtunës kundër Anglisë.
Pas testeve mjekësore, mjeku i Suedisë, Houman Ashkan, ka treguar për gjendjen e futbollistes kosovare.
“Pas ndeshjes, ne kemi qenë në spital dhe kemi kryer testet mjekësore. Raportet preliminare tregojnë se Kosovarja nuk ka ndonjë lëndim serioz”, tha Ashkan.
Kurse, gjatë ditës së sotme vetë futbollistja është shprehur e zhgënjyer për eliminimin e Suedisë nga Botërori, teksa nuk ka përmendur lëndimin e saj.
Ndryshe, Kosovarja ishte ndër futbollistet kryesore të Suedisë në këtë garë, duke ndihmuar skandinavet ta arrijnë gjysmëfinalen.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Kantonet zvicerane me plane për të punësuar më shumë mësues të huaj Shumë pak mësues po trajnohen në Zvicër, me një mungesë të rëndësishme që pritet deri në...
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë