Kandidatja për mis, Saranda Maliqi, bën tifo për Zvicrën

Saranda Maliqi, kosovarja që synon titullin e më të bukurës së Zvicrës, ka pozuar për kupën botërore „Brazili 2014“.

Kosovarja Saranda Maliqi që sivjet do të garojë në mesin e dhjetëra vajzave të tjera për titullin “Mis Zvicra 2014” ka realizuar një set fotografish për ngjarjen më të madhe të futbollit në botë „Brazili 2014“.

Ajo e veshur me një dres të përfaqësueses zvicerane u ka dëshiruar fat në botëror futbollistëve shqiptarë të Zvicrës.

Ekipi favorit i kosovares me prejardhje nga komuna e Gjilanit është Zvicra.

„Zvicra, edhe për arsye që shumica e lojtarëve janë shqiptarë. Krenohem që edhe ata janë shqiptarë, të cilët e përfaqësojnë më së miri popullin tonë si komb. Janë lojtarë të shkëlqyer“, thotë Saranda për albinfo.ch.

12 qershori për Sarandën është ditë kur fillon festa. Fillojnë emocionet e futbollit, me flamuj dhe me automjete tifozësh.

“Are you reaaaadyyyyyyy??! GO SWITZERLAND!”, bën tifo Saranda.

Një intervistë të zgjeruar me Saranda Maliqin mund ta lexoni në numrin e radhës të revistës albinfo.ch. 

Saranda garon në tetor për më të mirën e Zvicrës, bashkë me Anita Shalen, që do të jenë në mesin e tetëmbëdhjetë kandidateve të tjera.