Maurer në fjalimin e 1 Gushtit: “Zvicra është një histori suksesi”

“Zvicra është një histori suksesi”, ka thënë ai, duke shtuar se është krenar me vendin tonë të vogël me rezultate të mëdha"

Në prag të ditës së festës nacionale të Zvicrës, 1 Gushtit dhe në këtë ditë, pesë nga shtatë ministrat në Qeverinë Federale kanë mbajtur fjalime në qendra të ndryshme të vendit.

Presidenti i federatës, Ueli Maurer ka mbajtur fjalimin kryesor, në Herzogenbuchse ndërsa ministri i jashtëm, Ignazio Cassis në Krauchtal. Ministrja e drejtësisë Karin Keller-Sutter i është drejtuar popullit zviceran të mërkurën në Rorschach, ministri i brendshëm Alain Berset, në Yverdon ndërsa ai i ekonomisë, Guy Parmellin, në Gletterens.

Fjala e presidentit Maurer është transmetuar nga transmetuesi publik i Zvicrës, SRF.

Maurer në fjalën e tij zyrtare është shprehur mirënjohës për arritjet e brezave të mëparshëm dje ka tërhequr vërejtjen që të mbrohen vlerat zvicerane, transmeton albinfo.ch.

“Zvicra është një histori suksesi”, ka thënë ai, duke shtuar se është krenar me vendin tonë të vogël me rezultate të mëdha.

“Modeli i suksesit, Zvicra është, si të thuhet, një trashëgimi. Dhe këtë trashëgimi duhet ta përmirësojmë dhe t`ua përcjellim tutje fëmijëve tanë.

Vlerat zvicerane si “liria dhe siguria, pavarësia dhe vetëvendosja, nuk dëshiron askush t`i tradhtojë. Ndërsa kritika nga jashtë si dhe “qëndrueshmëria e mangët dhe mungesa e guximit nga brenda janë rreziqe konkrete”, ka thënë veç tjerash presidenti i Konfedeeratës së Zvicrës, Ueli Mauerre në fjalimin e tij zyrtar para bashkëkombësve, me rastin e festës nacionale, 1 Gushtit.

---