Zvicra kërkon ‘ndalim të plotë udhëtimi’ për azilkërkuesit e refuzuar

Në një veprim surprizë, qeveria zvicerane të mërkurën përshkroi projekt-masat që përfshijnë një ndalim udhëtimi për personat e lejuar të qëndrojnë në vend me bazë të përkohshme pasi refuzuan kërkesën e tyre për azil

Sipas projektligjit, rreth 40,000 mbajtës të lejeve në Zvicër – një grup i përbërë nga njerëz të cilëve u është refuzuar  kërkesa e azilit, por nuk mund të dëbohen, sepse ata përballen me rrezik në vendin e tyre – nuk do të lejoheshin të udhëtojnë jashtë shtetit, përcjell albinfo.ch.

Njerëzit që do të udhëtonin në vendin e tyre automatikisht do të humbnin të drejtën e tyre për të jetuar në Zvicër, ndërsa përjashtime do të bëheshin vetëm në rastet kur udhëtimet afatshkurtra në shtëpi do të përdoreshin për t’u përgatitur për një kthim përfundimtar të ardhshëm, sipas Sekretariatit Shtetëror për Migracionin (SEM ) faqen në internet.

Qëndrimi i ri i ashpër i qeverisë zvicerane për udhëtime për mbajtësit e lejeve F është diçka befasuese, sipas të përditshmes zvicerane NZZ, përcjell albinfo.ch.

Këtë leje (F) e marrin kërkuesit e azilit, të cilët nuk pranohen si refugjatë, mirëpo merren përkohësisht. Leja duhet çdo vit të vazhdohet.

Aktualisht mbajtësit e lejeve F mund të udhëtojnë në shtëpi me leje të veçantë, siç janë rastet e vështirësive personale, përfshirë vdekjen ose sëmundjen serioze në familje.

---