Zvicër: Cigareve elektronike u vendoset taksë

Këshilli Federal i Zvicrës mbështet këshillat e një komisioni shëndetësor publik për t`u vendosur taksë cigareve elektronike.

Plani për vendosjen e taksës për cigare elektronike është pjesë e një azhurnimi të ligjeve të duhanit në Zvicër, të cilat  përfshijnë edhe produkte tjera që përmbajnë nikotinë. Për më tepër, rregullat e propozuara do të ndalojnë përdorimin e cigareve elektronike në vendet që nuk pinë duhan dhe e bëjnë të paligjshëm shpërndarjen e tyre falas, përcjellë albinfo.ch

Komisioni rekomandon që taksa mbi cigaren elektronike të jetë më e ulët se taksa e cigareve të rregullta, duke pasur parasysh rreziqet më të ulëta për shëndetin.

Këshilli federal i Shteteve, dhoma e sipërme e Zvicrës, do të vendosë mbi propozimin në 17 shtator.